நான்கு ஆண்டுகளாக அதிகரித்து வந்த தொழுநோய் கூட்டு சிகிச்சையால் தடுப்பு

திருச்சி மாவட்டத்தில் நான்காண்டுகளாக தொடர்ந்து அதிகரித்து வந்த தொழுநோய் பாதிப்பு தேசிய தொழுநோய் ஒழிப்புத் திட்டத்தின் தீவிர விழிப்புணர்வு நடவடிக்கையால் கடந்தாண்டு குறைந்துள்ளது.

- 

திருச்சி, ஜூலை 27:

தொழுநோய் என்பது பொது மக்களிடையே தற்போதுவரை ஒரு தீண்டத்தகாத நோயாகப் பார்க்கப்படுகிறது. இதனால், தொழுநோய் பாதிப்பை வெளியில் கூறவே பலரும் தயங்குகின்றனர். இதன்மூலம் இந்நோயை ஆரம்ப நிலையில் கண்டறிந்து சிகிச்சை அளிப்பதில் பல்வேறு சிக்கல்கள் உள்ளன. இருந்தும் மத்திய, மாநில அரசுகள் தொழுநோயைக் கட்டுப்படுத்த பல்வேறு சிறப்பு நடவடிக்கைகளை எடுத்து வருகின்றன. 2027-ஆம் ஆண்டுக்குள் தொழுநோய் இல்லாத நிலையை உருவாக்க மத்திய அரசு பல்வேறு நடவடிக்கையை மேற்கொண்டு வருகிறது.

5 ஆண்டுகளில் 379 பேருக்கு பாதிப்பு: திருச்சி மாவட்டத்தில் கடந்த 2020-21 ஆம் ஆண்டில் 53 பேர், 2021-22 ஆம் ஆண்டில் 55 பேர், 2022-2023 ஆம் ஆண்டில் 79 பேர், 2023-2024 ஆம் ஆண்டில் 110 பேர் மற்றும் 2024-25 ஆம் ஆண்டில் 82 பேர் என கடந்த 5 ஆண்டுகளில் புதிதாக 379 பேருக்கு தொழுநோய் பாதிப்பு கண்டறியப்பட்டது.