மாணவர்கள் ‘ஓரணியில் தமிழ்நாடு’ எனத் திரள வேண்டும்

மாணவர்கள் ‘ஓரணியில் தமிழ்நாடு’ எனத் திரள வேண்டும் என்று முதல்வர் மு.க. ஸ்டாலின் கூறினார்.

- முதல்வர் மு.க.ஸ்டாலின்

திருச்சி, ஜூலை 9:

திருச்சியில் புதன்கிழமை நடைபெற்ற ஜமால் முகமது கல்லூரியின் பவளவிழா ஆண்டின் தொடக்க விழாவில் பங்கேற்று, ரூ. 4.5 கோடியில் கட்டப்பட்ட ‘குளோபல் ஜமாலியன்ஸ் பிளாக்’ என்னும் புதிய கட்டடத்தைத் திறந்துவைத்து அவர் பேசியதாவது:

இந்தக் கல்லூரியை உருவாக்கிய ஜமால் முகமது சாஹிப், காஜாமியான் ராவுத்தர் ஆகிய இருவரும், சமூகத்தில் நல்லிணக்கம் உருவாகவும், திருச்சியில் உள்ள இந்து-முஸ்லிம்-கிறிஸ்தவ மக்களெல்லாம் படித்து முன்னேற வேண்டும் என்ற அடிப்படையிலும் இக்கல்லூரியைத் தொடங்கினர். இந்தக் கல்லூரியின் இரண்டு வள்ளல்களும் காந்தி வழியைக் கடைப்பிடித்தவர்கள். காந்தி வழி, அம்பேத்கர் வழி, பெரியார் வழி என்று நமக்கான வழிகள் பல உள்ளன. மாணவர்களாகிய நீங்கள் ஒரு போதும் கோட்சே கூட்டத்தின் வழியில் சென்றுவிடக்கூடாது.