கள் இறக்க அனுமதி கோரி பெரியதாழையில் சீமான் பனை ஏறும் போராட்டம்

தமிழ்நாட்டில் கள் இறக்க அனுமதி கோரி, நாம் தமிழர் கட்சியின் தலைமை ஒருங்கிணைப்பாளர் சீமான், தூத்துக்குடி மாவட்டம் சாத்தான்குளம் அருகேயுள்ள பெரியதாழையில் பனை ஏறும் போராட்டத்தில் ஞாயிற்றுக்கிழமை ஈடுபட்டார்.

- 

சாத்தான்குளம், ஜூன் 15:

பெரியதாழை மேட்டில் உள்ள எள்ளுவிளை வைரவ நாடார் தோட்டத்தில் பனையிலிருந்து கள் இறக்கும் போராட்டம் நடைபெற்றது.

இதில் சீமான் பங்கேற்று, ஏணிப்படி போன்ற அமைப்பு மூலம் பனை மரத்தில் ஏறினார். அவருக்கு உதவியாக பனை தொழிலாளர்கள் பாண்டியன், விக்டர் ஆகியோரும் மரத்தில் ஏறினர். 5 நிமிடத்தில் கீழே இறங்கிய அவர், அங்கு அமைக்கப்பட்டிருந்த மேடையில் நிர்வாகிகளுடன் இணைந்து பனை ஓலை பட்டையில் கள் அருந்தினார். பின்னர் அவர் பேசியது: