ராமேசுவரம் மீனவர்கள் திருவோடு ஏந்தி போராட்டம்

இலங்கை சிறையில் உள்ள மீனவர்கள், பறிமுதல் செய்யப்பட்ட படகுகளை விடுவிக்க மத்திய, மாநில அரசுகள் விரைந்து நடவடிக்கை எடுக்கக் கோரி, தங்கச்சிமடத்தில் ராமேசுவரம் மீனவர்கள் திருவோடு, மண் சட்டி ஏந்தி பிச்சையெடுக்கும் நூதன போராட்டத்தில் திங்கள்கிழமை ஈடுபட்டனர்.

- 

ராமேசுவரம், மார்ச் 3:

ராமநாதபுரம் மாவட்டம், ராமேசுவரத்திலிருந்து அண்மையில் மீன்பிடிக்கச் சென்ற 42 மீனவர்களை இலங்கை கடற்படையினர் கைது செய்தனர். மேலும், 8 விசைப் படகுகளைப் பறிமுதல் செய்தனர்.

மீனவர்கள் கைது சம்பவத்தைக் கண்டித்தும், படகுகள், மீனவர்களை விடுவிக்க மத்திய, மாநில அரசுகள் விரைந்து நடவடிக்கை எடுக்கக் கோரியும், ராமேசுவரம் மீனவர்கள் கடந்த 24-ஆம் தேதி முதல் காலவரையற்ற வேலைநிறுத்தப் போராட்டத்தில் ஈடுபட்டு வருகின்றனர்.