பாதுகாப்பு ஒத்துழைப்பை வலுப்படுத்த இந்தியா-ஃபிஜி உறுதி

பிரதமர் மோடி

- 

புது தில்லி, ஆக. 25: பாதுகாப்புத் துறையில் இருதரப்பு ஒத்துழைப்பை வலுப்படுத்த இந்தியாவும், ஃபிஜியும் தீர்மானித்துள்ளன. இதற்கென ஒரு செயல் திட்டமும் தயாரிக்கப்பட்டுள்ளது என்று பிரதமர் நரேந்திர மோடி தெரிவித்தார்.

மூன்று நாள் பயணமாக இந்தியா வந்துள்ள ஃபிஜி பிரதமர் சிதிவேனி லிகமமடா ரபுகாவுடனான சந்திப்பிற்குப் பிறகு, இரு தலைவர்கள் சார்பில் வெளியிடப்பட்ட கூட்டறிக்கையில் பிரதமர் இவ்வாறு தெரிவித்தார்.

கூட்டறிக்கையில் பிரதமர் மோடி மேலும் கூறியிருப்பதாவது: ஃபிஜி பிரதமர் உடனான சந்திப்பின்போது, இரு நாடுகளுடையே பாதுகாப்புத் துறையில் பரஸ்பர ஒத்துழைப்பை வலுப்படுத்த தீர்மானிக்கப்பட்டது. இதற்கென ஒரு செயல் திட்டமும் தயாரிக்கப்பட்டது.