இந்தியா - இஎஃப்டிஏ வர்த்தக ஒப்பந்தம் அக்டோபர் 1 முதல் அமல்: மத்திய அரசு

"இந்தியா மற்றும் 4 நாடுகளை உறுப்பினர்களாகக் கொண்ட ஐரோப்பிய தடையற்ற வர்த்தகக் கூட்டமைப்புக்கு (இஎஃப்டிஏ) இடையேயான வர்த்தக ஒப்பந்தம் வரும் அக்டோபர் 1-ஆம் தேதி முதல் நடைமுறைப்படுத்தப்படும் என்று மத்திய வர்த்தகம் மற்றும் தொழில் துறை அமைச்சர் பியூஷ் கோயல் சனிக்கிழமை தெரிவித்தார்.

- 

புது தில்லி, ஜூலை 19:

ஐஸ்லாந்து, லிக்டென்ஸ்டைன், நார்வே மற்றும் சுவிட்சர்லாந்து ஆகிய நான்கு நாடுகளை உள்ளடக்கிய ஐரோப்பிய தடையற்ற வர்த்தக ஒப்பந்தக் கூட்டமைப்புடன் இந்தியா மேற்கொள்ளும் இந்த வர்த்தக ஒப்பந்தம் இரு தரப்புக்கும் மிகப்பெரிய அளவில் பலனளிக்கக் கூடியதாகப் பார்க்கப்படுகிறது.

இந்த 4 நாடுகளும் இந்தியாவில் அடுத்த 15 ஆண்டுகளில் ரூ. 8.5 லட்சம் கோடி முதலீடு செய்ய உள்ளன என்பதோடு, இந்தியர்களுக்குப் புதிதாக 10 லட்சம் புதிய வேலை வாய்ப்புகள் உருவாகும் என எதிர்பார்க்கப்படுகிறது.