மணி ஒலித்தால் மாணவர்கள் தண்ணீர் அருந்தும் திட்டம்

அரசுப் பள்ளிகளில் அமலுக்கு வந்தது

- 

சென்னை, ஜூன் 30: நீர்ச்சத்து குறைபாட்டை போக்கும் பொருட்டு, மாணவர்கள் தினமும் மூன்று முறை தண்ணீர் அருந்தும் வகையில் 'வாட்டர் பெல்' திட்டம் தமிழகம் முழுவதும் உள்ள அரசு, அரசு உதவி பெறும் பள்ளிகளில் திங்கள்கிழமை (ஜூன் 30) முதல் அமலுக்கு வந்தது.

உடல் நீரிழப்பு மாணவர்களின் அறிவாற்றல், கவனம் மற்றும் கல்வி செயல்திறனை கணிசமாகப் பாதிக்கும். எனவே மாணவர்கள் தண்ணீர் அருந்துவதை ஊக்கப்படுத்தும் விதமாக 'வாட்டர் பெல்' திட்டம் அறிமுகம் செய்து 5 நிமிடம் ஒதுக்கப்படும் என்று பள்ளிக்கல்வித் துறை அமைச்சர் அன்பில் மகேஸ் தெரிவித்திருந்தார்.