மத்திய அரசின் கல்வி நிதியைப் பெற சட்டப் போராட்டம் தொடரும்

தமிழகத்துக்கு மத்திய அரசு வழங்க வேண்டிய கல்வி நிதியைப் பெறுவதற்கான சட்டப் போராட்டம் தொடரும் என பள்ளிக் கல்வித் துறை அமைச்சர் அன்பில் மகேஸ் தெரிவித்தார்.

- 

சென்னை, ஜூன் 24:

தமிழக பள்ளிக்கல்வித் துறையில் முதன்மை, மாவட்டக் கல்வி அலுவலர்களுக்கான ஆய்வுக் கூட்டம் தொடர்ந்து 2-ஆவது நாளாக சென்னை நுங்கம்பாக்கத்தில் உள்ள பள்ளிக் கல்வி வளாகத்தில் செவ்வாய்க்கிழமை நடைபெற்றது. அமைச்சர் அன்பில் மகேஸ் தலைமையில் நடைபெற்ற இக் கூட்டத்தில் தருமபுரி, கிருஷ்ணகிரி, நீலகிரி, கோவை, கரூர், நாமக்கல், திருப்பத்தூர், வேலூர், ராணிப்பேட்டை, திருவள்ளூர், காஞ்சிபுரம், செங்கல்பட்டு மற்றும் சென்னை ஆகிய மாவட்டங்களைச் சேர்ந்த அலுவலர்கள் கலந்து கொண்டனர்.