அரையிறுதியில் தென்னாப்பிரிக்கா

சாம்பியன்ஸ் கோப்பை கிரிக்கெட்டின் 11-ஆவது ஆட்டத்தில் தென்னாப்பிரிக்கா 7 விக்கெட்டுகள் வித்தியாசத்தில் இங்கிலாந்தை சனிக்கிழமை சாய்த்தது.

- 

கராச்சி, மார்ச் 1: சாம்பியன்ஸ் கோப்பை கிரிக்கெட்டின் 11-ஆவது ஆட்டத்தில் தென்னாப்பிரிக்கா 7 விக்கெட்டுகள் வித்தியாசத்தில் இங்கிலாந்தை சனிக்கிழமை சாய்த்தது.

முதலில் இங்கிலாந்து 38.2 ஓவர்களில் 179 ரன்களுக்கே 10 விக்கெட்டுகளையும் பறிகொடுத்தது. பின்னர் தென்னாப்பிரிக்கா 29.1 ஓவர்களில் 3 விக்கெட்டுகள் இழந்து 181 ரன்கள் எடுத்து வென்றது. 3 விக்கெட்டுகளும் சாய்த்து, 3 கேட்ச்களும் பிடித்த தென்னாப்பிரிக்க பௌலர் மார்கோ யான்சென் ஆட்டநாயகன் ஆனார்.

இத்துடன் குரூப் 'பி' ஆட்டங்கள் நிறைவடைந்தன. இந்த வெற்றியின் மூலம் தென்னாப்பிரிக்கா முதலிடத்துக்கு முன்னேறியது. ஏற்கெனவே அரையிறுதி வாய்ப்பை இழந்த இங்கிலாந்து, ஆறுதல் வெற்றி கூட இல்லாமல் போட்டியிலிருந்து வெளியேறியது.