தமிழகத்தில் பிளஸ் 2 பொதுத் தேர்வு நாளை தொடக்கம்

8 லட்சம் பேர் எழுதுகின்றனர்

- 

சென்னை, மார்ச் 1: நிகழாண்டுக் கான பிளஸ் 2 பொதுத் தேர்வு தமிழகத்தில் திங்கள்கிழமை (மார்ச் 3) தொடங்கி மார்ச் 25-ஆம் தேதி நடைபெறவுள்ளது. இந்தத் தேர்வை 8 லட்சத்துக்கும் மேற்பட்டோர் எழுதவுள்ளனர்.

முதல் நாளில் தமிழ் உள்பட மொழிப்பாடங்களுக்கான தேர்வு நடைபெறுகிறது.

இந்தத் தேர்வை மாநிலம் முழுவதும் அமைக்கப்பட்டுள்ள 3,316 தேர்வு மையங்களில் 8,21,057 பேர் எழுதவுள்ளனர். இதில், 7,518 பள்ளிகளில் இருந்து 8,02,568 மாணவர்கள், 18,344 தனித்தேர்வர்கள், 145 கைதிகள் அடங்குவர்.

பொதுத் தேர்வுக்கான அறை கண்காணிப்பாளர் பணியில் 43,446 ஆசிரியர்கள் ஈடுபடுத்தப்படவுள்ளனர். மேலும், முறைகேடுகளை தடுக்க 4,470 நிலையான மற்றும் பறக்கும் படைகள் அமைக்கப்பட்டுள்ளன.