முதல்வர் பதவியைக் காப்பாற்ற போராடும் நிதீஷ்

ராகுல் குற்றச்சாட்டு

- 

புது தில்லி, ஜூலை 14: நாட்டில் குற்றங்களின் தலைநகராக பிகார் உருவெடுத்துள்ள நிலையில், முதல்வர் நிதீஷ் குமார் தனது பதவியைக் காப்பாற்றிக் கொள்வதற்காக போராடி வருகிறார் என்று மக்களவை எதிர்க்கட்சித் தலைவர் ராகுல் காந்தி விமர்சித்தார்.

இதுதொடர்பாக 'எக்ஸ்' வலைதளத்தில் அவர் திங்கள் கிழமை வெளியிட்ட பதிவில் மேலும் கூறியிருப்பதாவது: பிகாரில் வர இருக்கும் சட்டப் பேரவைத் தேர்தல் ஆட்சி மாற்றத்துக்கான தேர்தல் மட்டுமல்ல, மாநிலத்தை காப்பாற்றுவதற்கான தேர்தலும் கூட.