பயங்கரவாதத்துக்கு எதிராக உறுதியான நடவடிக்கை எடுத்தால் பாகிஸ்தானுடன் பேச்சு

பாகிஸ்தான் முழுவதும் பரவிக் கிடக்கும் பயங்கரவாத முகாம்கள் மீது உறுதியான நடவடிக்கை எடுத்தால் அந்நாட்டுடன் இந்தியா பேச்சுவார்த்தை நடத்தும் என்று பிரேஸிலில் பயணம் மேற்கொண்டுள்ள அனைத்து கட்சி எம்.பி.க்கள் அடங்கிய குழுவின் தலைவர் சசி தரூர் தெரிவித்தார்.

- 

பிரஸிலியா/மொன்ரோவியா, ஜூன் 3:

இந்தியா-பிரேஸில் நட்புறவு அமைப்பின் தலைவரும், அந்நாட்டு வெளியுறவு விவகார குழுத்தலைவருமான நில்ஷினே ராட்விடம் சசி தரூர் தலைமையிலான குழுவினர் பயங்கரவாதம் குறித்த இந்தியாவின் நிலைப்பாட்டை எடுத்துரைத்தனர்.

பின்னர் செய்தியாளர்களிடம் பேசிய சசி தரூர், ‘இந்தியாவின் தகவலை லத்தீன் அமெரிக்க நாடுகளுக்கு வெற்றிகரமாக எடுத்துரைத்துள்ளோம். பாகிஸ்தான் அப்பாவிபோல் வேடமிடுகிறது. தேடப்படும் பயங்கரவாதிகளுக்கு ஏன் அந்நாடு அடைக்கலம் கொடுக்கிறது? அவர்கள் பயிற்சி முகாம்களை நடத்தவும் ஏன் அனுமதிக்கிறது?