அனைத்துத் தரப்பு மக்களும் மகிழும் வகையில் அதிமுக தேர்தல் அறிக்கை

எடப்பாடி கே.பழனிசாமி

- 

ஓமலூர், ஆக. 9: அனைத்துத் தரப்பு மக்களும் மகிழ்ச்சியடையும் வகையில், அதிமுக தேர்தல் அறிக்கை வெளியிடப்படும் என பொதுச் செயலர் எடப்பாடி கே.பழனிசாமி தெரிவித்தார்.

சேலம் மாவட்டம், ஓமலூரில் மாற்றுக்கட்சியினர் அதிமுகவில் இணையும் நிகழ்ச்சி சனிக்கிழமை நடைபெற்றது. அவர்களுக்கு வாழ்த்து தெரிவித்த எடப்பாடி கே.பழனிசாமி பேசியதாவது:

2021-க்கு முன்பும், தற்போதும் சேலம் மாவட்டம் எவ்வாறு உள்ளது என ஒப்பிட்டுப் பாருங்கள். கடந்த அதிமுக ஆட்சியில் அனைத்து அடிப்படை வசதிகளும், திட்டங்களும் செய்து கொடுத்தோம். ஏரிகள் தூர்வாரப்பட்டன. விவசாயிகள் வாங்கிய பயிர்க்கடனை இருமுறை தள்ளுபடி செய்தோம். கைத்தறி, விசைத்தறி நிறைந்த இப்பகுதி செழிப்பாக இருந்தது.