கோயில் காவலாளி கொலை வழக்கு சிபிஐக்கு மாற்றம்

முதல்வர் மு.க.ஸ்டாலின்

- 

சென்னை, ஜூலை 1: சிவகங்கை மாவட்டம், திருப்புவனம் கோயில் காவலாளி கொலை வழக்கை சிபிஐக்கு மாற்ற முதல்வர் ஸ்டாலின் உத்தரவிட்டார்.

இதுதொடர்பான விசாரணைக்கு அரசு முழு ஒத்துழைப்பை வழங்கும் என்றும் அவர் உறுதியளித்துள்ளார்.

சிவகங்கை மாவட்டம், திருப்புவனம் அருகே மடப்புரம் பத்ரகாளியம்மன் கோயிலில் பெண் பக்தரின் நகைகள் காணாமல்போனது தொடர்பாக, கோயில் காவலாளி அஜித்குமாரை (29) மானாமதுரை காவல் துணைக் கண்காணிப்பாளரின் கட்டுப்பாட்டின் கீழ் பணிபுரியும் தனிப்படை போலீஸார் விசாரணைக்கு அழைத்துச் சென்றனர். அப்போது போலீஸார் தாக்கியதில் அவர் உயிரிழந்தார். இந்த வழக்கு கொலை வழக்காக மாற்றப்பட்டது.