உக்ரைனில் ரஷியா மிகப்பெரிய வான்வழித் தாக்குதல்

உக்ரைனில் கடந்த சனிக்கிழமை ஒரே இரவில் 60 ஏவு கணைகள் மற்றும் 477 ஆளில்லா விமானங்களை (ட்ரோன்கள்) ஏவி ரஷியா நடத்திய வான்வழித் தாக்குதலில் உக்ரைன் விமானப் படை விமானி உள்பட இருவர் உயிரிழந்தனர்.

- 

கீவ், ஜூன் 29:

கடந்த 2022-ஆம் ஆண்டு போர் தொடங்கியதில் இருந்து நடத்தப்பட்ட மிகப்பெரிய வான்வழித் தாக்குதல் இது என்று உக்ரைன் அதிகாரிகள் தெரிவித்தனர்.

ரஷியா இத்தாக்குதலுக்குப் பயன்படுத்திய மொத்தம் 537 வான்வழி ஆயுதங்களில் (ஏவு கணை, ட்ரோன்கள்) 249 சுட்டு வீழ்த்தப்பட்டன; 226 இடைமறிக்கப்பட்டன. எல்லையில் இருந்து வெகுதொலைவில் உள்ள மேற்கு உக்ரைன் உள்பட நாடு முழுவதும் பரவலாக பல்வேறு பிராந்தியங்கள் ரஷியாவின் தாக்குதலில் குறிவைக்கப்பட்டுள்ளன.