ராகுலுக்கு பக்குவமில்லை, பொருளாதாரம் பற்றிய புரிதல் இல்லை

ராகுல் காந்திக்கு பக்குவமில்லை, பொருளாதாரம் பற்றி போதிய புரிதல் இல்லை என்று மத்திய வர்த்தகம் மற்றும் தொழில் துறை அமைச்சர் பியூஷ் கோயல் சாடினார்.

- 

இந்தியா, அமெரிக்கா இடையேயான இடைக்கால வர்த்தக ஒப்பந்தத்தை சுட்டிக்காட்டி, மத்திய அரசு மீதும் பிரதமர் மோடி மீதும் ராகுல் காந்தி தொடர்ந்து பல குற்றச்சாட்டுகளை தெரிவித்து வருகிறார். இதற்கு பியூஷ் கோயல் பதிலடி கொடுத்துள்ளார். இதுகுறித்து மும்பையில் செய்தியாளர்களிடம் சனிக்கிழமை பேசியபோது அவர் கூறியதாவது:

ராகுல் காந்தி போன்ற மதிப்பற்ற தலைவர்களும், காங்கிரஸ் மற்றும் அதன் கூட்டணிக் கட்சிகளான திரிணமூல் காங்கிரஸ், திமுக, சமாஜவாதி ஆகிய கட்சிகளும் எத்தனை ஆயிரம் முறை முயன்றாலும், பிரதமர் மோடியையோ அல்லது நாட்டுக்கான அவரின் சேவையையோ தடுத்து நிறுத்த இயலாது.