உ.பி.: டிராக்டர்-லாரி மோதி 10 பேர் உயிரிழப்பு; 41 பேர் காயம்

உத்தர பிரதேசத்தின் புலந்த்சாகர் மாவட்டத்தில் பக்தர்களை ஏற்றிச் சென்ற டிராக்டர் டிராலியின் மீது லாரி மோதிய விபத்தில் 10 பேர் உயிரிழந்தனர்; 41 பேர் காயமடைந்தனர்.

- 

புலந்த்சாகர், ஆக. 25:

புலந்த்சாகர்- அலிகர் மாவட்ட எல்லையில் உள்ள அர்னியா புறவழிச் சாலையின் அருகே திங்கள்கிழமை அதிகாலை 2.10 மணியளவில் இந்தக் கோர விபத்து நிகழ்ந்தது.

காஸ்கஞ்ச் மாவட்டத்தில் உள்ள ரஃபாட்பூர் கிராமத்தில் இருந்து ராஜஸ்தானில் உள்ள ஜாஹர்பீருக்கு புனித யாத்திரை சென்ற 61 பேரை ஏற்றிச் சென்ற டிராக்டர் டிராலியின் மீது, பின்னால் வந்த லாரி மோதியதால், டிராக்டர் டிராலி கவிழ்ந்தது.