உள்ளூர் பொருள்களுக்கு ஆதரவு: மக்களுக்கு பிரதமர் அழைப்பு

சுதேசி உணர்வைத் தழுவி, உள்ளூர் பொருள்களுக்கு ஆதரவளிக்க வேண்டும் என்று நாட்டு மக்களுக்கு பிரதமர் மோடி அழைப்பு விடுத்தார்.

- 

வாரணாசி, ஆக. 2: 'சுதேசி உணர்வைத் தழுவி, உள்ளூர் பொருள்களுக்கு ஆதரவளிக்க வேண்டும்' என்று நாட்டு மக்களுக்கு பிரதமர் மோடி அழைப்பு விடுத்தார்.

இந்தியா-அமெரிக்கா வர்த்தகப் பதற்றத்துக்கு இடையே, பிரதமரின் பொருளாதார ரீதியிலான தேசியவாத கருத்துகள் முக்கியத்துவம் பெற்றன.

உத்தரப் பிரதேசத்தில் உள்ள தனது தொகுதியான வாரணாசிக்கு சனிக்கிழமை வந்த பிரதமர் நரேந்திர மோடி, ரூ.2,180 கோடிக்கும் மேற்பட்ட மதிப்பில் பணி நிறைவடைந்த வளர்ச்சித் திட்டங்களைத் தொடங்கிவைத்து, புதிய திட்டங்களுக்கு அடிக்கல் நாட்டினார்.

பிரதமரின் விவசாயிகள் உதவித்தொகை திட்டத்தின்கீழ், நாடு முழுவதும் 9.70 கோடிக்கும் மேற்பட்ட விவசாயிகளுக்கு 20-ஆவது தவணையாக ரூ.20,500 கோடி தொகையையும் விடுவித்தார். பின்னர் பொதுக்கூட்டத்தில் அவர் பேசியதாவது: