ராமேசுவரம் மீனவர்கள் 7 பேர் கைது

கச்சத்தீவு - நெடுந்தீவுக்கு இடையே சனிக்கிழமை நள்ளிரவு மீன்பிடித்துக் கொண்டிருந்த ராமேசுவரம் மீனவர்கள் 7 பேரை இலங்கைக் கடற்படையினர் கைது செய்தனர்.

- 

ராமேசுவரம், ஜூலை 13:

ராமநாதபுரம் மாவட்டம், ராமேசுவரத்திலிருந்து 456 விசைப்படகு களில் 3,500-க்கும் மேற்பட்ட மீனவர்கள் சனிக்கிழமை கடலுக்குள் மீன்பிடிக்கச் சென்றனர். இவர்கள் சனிக்கிழமை நள்ளிரவு கச்சத்தீவு-நெடுந்தீவுக்கு இடையே மீன்பிடித்துக் கொண்டிருந்தனர். அப்போது, அங்கு 5 ரோந்துப் படகுகளில் வந்த இலங்கைக் கடற்படையினர், ராமேசுவரம் மீனவர்கள் மீது புட்டிகள், கற்களைக் கொண்டு தாக்குதல் நடத்தி, மீன்பிடிக்க விடாமல் விரட்டியடித்தனர்.