பூ உற்பத்தியில் முக்கிய இடம் வகிக்கும் வாழப்பாடி கிராமங்கள்

வாசனை திரவிய தொழிற்சாலை அமைக்க வலியுறுத்தல்

- பெ. பெரியார்மன்னன்

வாழப்பாடி, ஜூலை 3: சேலம் மாவட்டம், வாழப்பாடி பகுதியில் கடந்த 15 ஆண்டுகளாக பெரும்பாலான கிராமங்களில் விவசாயிகள், பூந்தோட்டங்கள் அமைத்து பல்வேறு வகையான பூக்களை சாகுபடி செய்து வருகின்றனர். இவற்றை மதிப்புகூட்டுப் பொருளாக விற்பதற்கு வசதியாக இப்பகுதியில் வாசனைத்திரவிய தொழிற்சாலைகளை அமைக்க வேண்டும் என வலியுறுத்தி வருகின்றனர்.

வாழப்பாடி சுற்றுப்புற பகுதிகளில் 100-க்கும் மேற்பட்ட கிராமங்களில், கிணறு மற்றும் ஆழ்துளை பாசன முறையில், ஆண்டு முழுவதும் நீர்ப்பாசன வசதிகொண்ட விவசாயிகள், சுமார் 1000 ஹெக்டேரில் மல்லிகை, குண்டுமல்லி, காக்கட்டான், சம்பங்கி, அரளி, செவ்வரளி, செண்டுமல்லி, நந்தியாவட்டம், துளசி, துளுக்கமல்லி, கனகாம்பரம், ஜாதிமல்லி, கோழிக்கொண்டை உள்ளிட்ட பல்வேறு வகையான பூக்களை பயிரிட்டு வருகின்றனர்.

குறிப்பாக, திருமனூர், சிட்டம்பட்டி, கருங்கல்பட்டி, தேக்கல்பட்டி, மலையாளப்பட்டி, கம்மாளப்பட்டி, வேப்பிலைப்பட்டி, முடியனூர், குமாரபாளையம் உள்ளிட்ட கிராமங்களில், நீண்டகால பலன்தரும் அரளிப்பூ தோட்டங்கள் அமைத்து ஏறக்குறைய 1000 ஏக்கரில், ஆண்டு முழுவதும் டிப்பட்டி, வெள்ளாளப்பட்டி பகுதி கிராமங்களில் மல்லிகை, சம்பங்கி பூக்களையும், துக்கியாம்பாளையம், மேலூர், அத்தனூர்பட்டி, ஓட்டப்பட்டி உள்ளிட்ட கிராமங்களில் மல்லிகை, காக்கட்டான், கனகாம்பரம், சாமந்தி, துளுக்கமல்லி, கோழிக்கொண்டை, ரோஜா, பட்டன் ரோஸ் உள்ளிட்ட பூக்களையும் விவசாயிகள் பயிரிட்டுள்ளனர்.