மக்களை காப்பாற்றும் தார்மீகக் கடமையிலிருந்து திமுக அரசு தவறிவிட்டது: வானதி சீனிவாசன்

தமிழகத்தில் காவல் நிலைய மரணங்கள் அதிகரித்துவரும் நிலையில் மக்களை காப்பாற்றும் தார்மீகக் கடமையிலிருந்து திமுக அரசு தவறிவிட்டதாக பாஜக தேசிய மகளிர் அணித் தலைவர் வானதி சீனிவாசன் குற்றம்சாட்டினார்.

- 

சேலம், ஜூலை 1:

பாஜக மகளிர் அணி சார்பில் மாதிரி மகளிர் நாடாளுமன்றக் கருத்தரங்கம் சேலத்தில் செவ்வாய்க்கிழமை நடைபெற்றது. அவசரநிலை பிரகடனப்படுத்தப்பட்டதன் 50-ஆவது ஆண்டையொட்டி நடைபெற்ற இந்நிகழ்ச்சியில் சட்டப்பேரவை உறுப்பினரும் பாஜக தேசிய மகளிர் அணித் தலைவருமான வானதி சீனிவாசன் கலந்துகொண்டார். மாதிரி நாடாளுமன்றத்தில் சிறப்பாகப் பேசிய மகளிருக்கு அவர் பரிசுகளை வழங்கினார்.

இதைத் தொடர்ந்து செய்தியாளர்களிடம் அவர் கூறியதாவது: காங்கிரஸ் ஆட்சியில் கொண்டுவரப்பட்ட அவசரநிலை காரணமாக அடிப்படை உரிமைகள் பறிக்கப்பட்டதுடன், லட்சக்கணக்கானோர் சிறையில் அடைக்கப்பட்டனர்.