வாக்காளர் பட்டியல் சிறப்பு தீவிர திருத்தம் அவசியமானது : தேர்தல் ஆணையம்

பிகார் சட்டப்பேரவைத் தேர்தலையொட்டி, அந்த மாநில வாக்காளர் பட்டியல் சிறப்பு தீவிர திருத்தத்துக்கு உட்படுத்தப்பட்டுள்ளதற்கு எதிர்க்கட்சிகள் கடும் எதிர்ப்பு தெரிவித்து வரும் நிலையில், 'வாக்காளர் பட்டியல் மாறிக்கொண்டே இருக்கும் என்பதால், இந்தத் திருத்தம் அவசியமானது' என்று தேர்தல் ஆணையம் திங்கள்கிழமை பதிலளித்தது.

- 

புது தில்லி, ஜூன் 30:

ஒவ்வொரு மக்களவை மற்றும் மாநில சட்டப்பேரவைத் தேர்தலுக்கு முன்பாக வாக்காளர் பட்டியல் சிறப்பு சுருக்கமுறைத் திருத்தம் மேற்கொள்ளப்பட்டு, வாக்காளர் பட்டியல் புதுப்பிக்கப்படும். அதுபோல, பிகார் மாநிலத்துக்கு நிகழாண்டு இறுதிக்குள் பேரவைத் தேர்தல் நடத்தப்பட உள்ள நிலையில், தனக்குள்ள அதிகாரங்களை பயன்படுத்தி, இந்தத் தேர்தலில் வாக்காளர் பட்டியல் சிறப்பு தீவிர திருத்தப் பணிகளுக்குத் தேர்தல் ஆணையம் உத்தரவிட்டது. அதன்படி, மாநில வாக்காளர் பட்டியல் சிறப்பு தீவிர திருத்தம் செய்யும் பணிகள் தொடங்கியுள்ளன.