சிராஜ், கில் அசத்தல்; குஜராத் 'ஹாட்ரிக்' வெற்றி

ஐபிஎல் போட்டியின் 19-ஆவது ஆட்டத்தில் குஜராத் டைட்டன்ஸ் 7 விக்கெட்டுகள் வித்தியாசத்தில் சன்ரைசர்ஸ் ஹைதராபாத்தை அதன் சொந்த மண்ணிலேயே ஞாயிற்றுக்கிழமை வீழ்த்தியது.

- 

ஹைதராபாத், ஏப். 6: ஐபிஎல் போட்டியின் 19-ஆவது ஆட்டத்தில் குஜராத் டைட்டன்ஸ் 7 விக்கெட்டுகள் வித்தியாசத்தில் சன்ரைசர்ஸ் ஹைதராபாத்தை அதன் சொந்த மண்ணிலேயே ஞாயிற்றுக்கிழமை வீழ்த்தியது.

முதலில் ஹைதராபாத் 20 ஓவர்களில் 8 விக்கெட்டுகள் இழப்புக்கு 152 ரன்கள் சேர்க்க, குஜராத் 16.4 ஓவர்களில் 3 விக்கெட்டுகள் இழந்து 153 ரன்கள் எடுத்து வென்றது.

குஜராத்துக்கு இது 'ஹாட்ரிக்' வெற்றியாக இருக்க, ஹைதராபாத்துக்கு இது தொடர்ந்து 4-ஆவது தோல்வியாகும்.

இந்த ஆட்டத்தில், குஜராத் பௌலர் முகமது சிராஜ் ஹைதராபாத் பேட்டர்களை திணறடிக்க, அந்த அணியின் பேட்டிங்கில் கேப்டன் ஷுப்மன் கில், அணிக்காக அறிமுகமான வாஷிங்டன் சுந்தர் ஹைதராபாத் பௌலிங்கை பதம் பார்த்தனர்.