அமித் ஷாவுக்கு எதிரான உரிமை மீறல் நோட்டீஸ் நிராகரிப்பு

மத்திய உள்துறை அமைச்சர் அமித் ஷாவுக்கு எதிராக காங்கிரஸ் அளித்த உரிமை மீறல் நோட்டீஸை மாநிலங்களவைத் தலைவர் ஜகதீப் தன்கர் வியாழக்கிழமை நிராகரித்தார்.

- 

புது தில்லி, மார்ச் 27: மத்திய உள்துறை அமைச்சர் அமித் ஷாவுக்கு எதிராக காங்கிரஸ் அளித்த உரிமை மீறல் நோட்டீஸை மாநிலங்களவைத் தலைவர் ஜகதீப் தன்கர் வியாழக்கிழமை நிராகரித்தார்.

அமித் ஷா விதிமீறல் எதிலும் ஈடுபடவில்லை; அவையில் அவர் தெரிவித்த தகவல்கள், முற்றிலும் உண்மைக்கு இணக்கமாக உள்ளன என்று தன்கர் குறிப்பிட்டார்.

மாநிலங்களவையில் பேரிடர் மேலாண்மை திருத்த மசோதா மீதான விவாதம் அண்மையில் நடைபெற்றது. இந்த விவாதத்துக்கு பதிலளித்துப் பேசிய உள்துறை அமைச்சர் அமித் ஷா, முந்தைய ஐக்கிய முற்போக்கு கூட்டணி ஆட்சியில் பிரதமரின் தேசிய நிவாரண நிதியை ஒரு குடும்பம் மட்டுமே கட்டுப்படுத்தியது. இந்த நிதி நிர்வாகத்தில் காங்கிரஸ் தலைவரும் அங்கம் வகித்தார் என்றார்.