கள் இறக்க அனுமதிக்க வேண்டும்

காங்கிரஸ் உறுப்பினர்கள் கோரிக்கை

- 

சென்னை, மார்ச் 25: பனங்கள் இறக்க அனுமதி அளிக்க வேண்டும் என காங்கிரஸ் உறுப்பினர்கள் அரசுக்கு கோரிக்கை விடுத்தனர். இது குறித்து சட்டப் பேரவையில் செவ்வாய்க்கிழமை கேள்வி நேரத்தின் போது நடந்த விவாதம்: ரூபி ஆர்.மனோகரன் (காங்கிரஸ்): பனைமரத் தொழிலை நம்பி ஆயிரக்கணக்கான மக்கள் வாழ்கிறார்கள். பனை மரத்தில் இருந்து பனங்கள் இயற்கையாக கிடைக்கிறது. இதை 'பனம் பால்' என்றும் கூறுவர். அதில் சிறிது சுண்ணாம்பு சேர்த்தால் பதநீர் கிடைக்கும். தமிழ்நாட்டில் கள் இறக்குவது தடை செய்யப்பட்டுள்ளது. ஆனால், கேரளம், கர்நாடகம், தெலங்கானா மாநிலங்களில் கள் விற்பனை செய்யப்படுகிறது.