அடுத்த ஆண்டுக்குள் ரயில் பாதை 100% மின்மயமாகும்

வரும் 2025-26-ஆம் நிதியாண்டிற்குள் நாட்டின் ரயில் பாதைகள் 100 சதவீதம் மின்மயமாக்கப்படும் என்றும், புதுப்பிக்கத்தக்க எரிசக்தி பயன்பாட்டில் ரயில்வே விரைவான முன்னேற்றம் அடைந்து வருகிறது என்றும் மத்திய ரயில்வே அமைச்சர் அஸ்வினி வைஷ்ணவ் திங்கள்கிழமை தெரிவித்தார்.

- 

போபால், பிப். 24:

மத்திய பிரதேச மாநிலத்துடன் மின்சாரம் கொள்முதல் ஒப்பந்தம் (பிபிஏ) கையொப்பமான பிறகு, சர்வதேச முதலீட்டாளர்கள் மாநாட்டில் அமைச்சர் அஸ்வினி வைஷ்ணவ் காணொலிக் காட்சி வாயிலாக பங்கேற்று அவர் பேசியதாவது:

நாட்டில் தற்போது 97 சதவீத ரயில் பாதை மின்மயமாக்கப்பட்டுள்ளது. வரும் 2025-26 நிதியாண்டில், இது 100 சதவீதத்தை எட்டும். 2030-ஆம் ஆண்டுக்குள் ரயில்வேயில் கரியமில வாயு வெளியேற்றத்தை முற்றிலும் நிறுத்த இலக்கு நிர்ணயிக்கப்பட்டுள்ளது.