உ.பி. மாநில பட்ஜெட் தாக்கல்: அயோத்தி, மதுரா வளர்ச்சிக்கு ரூ.275 கோடி

வரும் நிதியாண்டிற்கான (2025-26) உத்தர பிரதேச மாநில பட்ஜெட்டில், அயோத்தி, மதுரா ஆகிய நகரங்களில் ஆன்மிக சுற்றுலா உள்கட்டமைப்பு வசதிகளை மேம்படுத்த முறையே ரூ.150 கோடி, ரூ.125 கோடி ஒதுக்கப்பட்டுள்ளது.

- 

லக்னௌ, பிப். 20:

2025-26 நிதியாண்டுக்கான உத்தர பிரதேச அரசின் ரூ.8,08,736 கோடி மதிப்பிலான பட்ஜெட்டை சட்டப்பேரவையில் மாநில நிதியமைச்சர் சுரேஷ் குமார் கன்னா வியாழக்கிழமை தாக்கல் செய்தார். இந்த பட்ஜெட்டில் 22 சதவீத நிதி வளர்ச்சி திட்டங்களுக்கு ஒதுக்கப்பட்டுள்ளது. கல்வி (13 சதவீதம்), வேளாண்மை மற்றும் அதன் சார்பு துறைகள் (11 சதவீதம்), சுகாதாரம் (6 சதவீதம்) ஆகிய துறைகளுக்கு நிதி ஒதுக்கீட்டில் முக்கியத்துவம் அளிக்கப்பட்டுள்ளது.