ரவுண்ட் 32 சுற்றில் பெல்ஜியம், எகிப்து

உலகக் கோப்பை கால்பந்து போட்டியில் குரூப் ஜி பிரிவில் பெல்ஜியம், எகிப்து அணிகள் நாக் அவுட் சுற்றுக்கு முன்னேறின.

- 

இப்பிரிவில் பலம் வாய்ந்த பெல்ஜிய அணி முதலிரண்டு ஆட்டங்களில் டிரா கண்டதால் துவண்டு போயிருந்தது. நியூஸிலாந்துடன் வான்கூவரில் நடைபெற்ற ஆட்டத்தில் வென்றால் தான் நாக் அவுட் சுற்றுக்கு தகுதி பெற முடியும் என்ற நிலையில் தொடக்கம் முதலே பெல்ஜிய வீரர்கள் ஆதிக்கம் செலுத்தி ஆடினர்.

முதல் விசில் சப்தம் முதலே பெல்ஜிய அணியினர் துடிப்புடன் ஆடினர். முதலில் வார் அடிப்படையில் டி புருயன் பாஸின் மூலம் ட்ராஸார்ட் அடித்த கோல் நிராகரிக்கப்பட்டது.

நட்சத்திர வீரரான டி புருயன் அற்புத பாஸ்கள் நியூஸி வீரர்களை திணறடித்தன. 28-ஆவது நிமிஷத்தில் கெவின் டி புருயன் அனுப்பிய பாஸை கோலாக்கினார் டிராஸார்ட். 5 நிமிஷங்கள் கழித்து டி புருயன் மீண்டும் அனுப்பிய பாஸை பயன்படுத்தி கோலடித்தார் டிராஸார்ட்.