அடிலெய்டு டெஸ்ட்: இங்கிலாந்து தடுமாற்றம்

ஆஷஸ் தொடரில் ஆஸ்திரேலியாவுக்கு எதிரான அடிலெய்டு டெஸ்ட்டில் இங்கிலாந்து முதல் இன்னிங்ஸை தடுமாற்றத்துடன் விளையாடி வருகிறது.

- 

8 விக்கெட்டுகள் இழப்புக்கு 213 ரன்கள் சேர்த்திருக்கும் அந்த அணி, ஆஸ்திரேலியாவை விட 158 ரன்கள் பின்தங்கியுள்ளது.

மிடில் ஆர்டரில் ஹேரி புரூக் சற்று கை கொடுக்க, கேப்டன் பென் ஸ்டோக்ஸ் மற்றும் ஜோஃப்ரா ஆர்ச்சர், பின்னிலையை குறைக்க போராடி வருகின்றனர். ஆஸ்திரேலிய பௌலிங்கில் கேப்டன் பேட் கம்மின்ஸ் அசத்தலாக பௌலிங் செய்தார்.

அடிலெய்டில் நடைபெறும் இந்த 3-ஆவது டெஸ்ட்டில் டாஸ் வென்று முதலில் பேட் செய்த ஆஸ்திரேலியா, முதல் நாள் முடிவில் 8 விக்கெட்டுகள் இழப்புக்கு 326 ரன்கள் எடுத்திருந்தது. 2-ஆம் நாளான வியாழக்கிழமை, அந்த அணியின் இன்னிங்ஸை மிட்செல் ஸ்டார்க், நேதன் லயன் தொடர்ந்தனர்.