'காக்கும் கரங்கள்' அமைப்புக்கு பிரத்யேக 'கைப்பேசி செயலி'

ஏஐ தொழில்நுட்பத்தில் உருவாகிறது

- கே.வாசுதேவன்

சென்னை, செப். 14: சென்னையில் ஆதரவற்றவர்களை விரைந்து மீட்கும் வகையில் காவல் கரங்கள் அமைப்புக்கு செயற்கை நுண்ணறிவு தொழில்நுட்பத்தில் கைப்பேசி செயலி உருவாக்கப்படுகிறது.

சென்னையில் சுற்றித் திரியும் ஆதரவற்ற நபர்கள், மனநலக் குறைபாடுடையவர்களை மீட்டு காப்பகங்களில் சேர்ப்பது அல்லது அவர்களது குடும்பத்தினரைக் கண்டறிந்து ஒப்படைக்கும் பணிக்காக சென்னை பெருநகர காவல் துறை சார்பில் கடந்த 2021-இல் காவல் கரங்கள் அமைப்பு உருவாக்கப்பட்டது.

இந்த அமைப்பில் சென்னை காவல் துறையுடன், சுமார் 200 தன்னார்வலர்களுடன் கூடிய 25 தொண்டு அமைப்புகள் இணைந்துள்ளன. மேலும், சென்னையின் பல்வேறு பகுதிகளில் உள்ள 56 மாநகராட்சி காப்பகங்கள், 24 தனியார் காப்பகங்கள் இணைக்கப்பட்டுள்ளன.