பிகார் விவகாரம்: நாடாளுமன்றத்தில் தொடர் அமளி

இரு அவைகளும் முடங்கின

- 

புது தில்லி, ஆக. 1: பிகார் வாக்காளர் பட்டியல் சிறப்பு தீவிர திருத்தப் பணிக்கு எதிர்ப்பு தெரிவித்து, நாடாளுமன்றத்தில் எதிர்க்கட்சிகள் வெள்ளிக்கிழமையும் அமளியில் ஈடுபட்டன. இதனால், இரு அவைகளும் எந்த அலுவலும் இன்றி முடங்கின.

இனி நாடாளுமன்றம் திங்கள்கிழமை (ஆக.4) மீண்டும் கூடுமென தெரிவிக்கப்பட்டுள்ளது.

அடுத்த சில மாதங்களில் பேரவைத் தேர்தல் நடைபெறவுள்ள பிகாரில் தேர்தல் ஆணையம் மேற்கொண்டுவரும் வாக்காளர் பட்டியல் சிறப்பு தீவிர திருத்தப் பணியை உடனடியாக நிறுத்த வேண்டுமென எதிர்க்கட்சிகள் வலியுறுத்தி வருகின்றன. இது குறித்து நாடாளுமன்றத்தில் விவாதம் நடக்கக் கோரி, எதிர்க்கட்சி எம்.பி.க்கள் தொடர்ந்து அமளியில் ஈடுபட்டுள்ளனர்.