அரசுத் துறைகளில் நேரடி நியமன முறை ரத்து செய்யப்படவில்லை

மத்திய அமைச்சர் விளக்கம்

- 

புது தில்லி, ஜூலை 16: மத்திய அரசுத் துறைகளில் நேரடி நியமன முறை (லேட்டரல் என்ட்ரி) ரத்து செய்யப்படவில்லை என்றும் அதில் இடஒதுக்கீடு நடைமுறையை அறிமுகப்படுத்துவதற்கான சாத்தியக் கூறுகள் குறித்தும் மத்திய அரசு பரிசீலித்து வருகிறது என்றும் மத்திய பணியாளர் நலத் துறை இணையமைச்சர் ஜிதேந்திர சிங் புதன்கிழமை தெரிவித்தார்.

மத்திய அரசுத் துறைகளில் காலியாக இருந்த 10 இணைச் செயலாளர்கள் மற்றும் 35 இயக்குநர்கள் அல்லது துணைச் செயலாளர்கள் என மொத்தம் 45 பதவிகளுக்கு நேரடி நியமனம் மூலம் ஆட்சேர்ப்புக்கான அறிவிக்கையை கடந்த ஆண்டு ஆக.17-ஆம் தேதி மத்திய அரசுப் பணியாளர் தேர்வாணையம் (யுபிஎஸ்சி) வெளியிட்டது.