தஞ்சாவூர் மாவட்டத்தில் உலக யோகா தின விழா

உலக யோகா தின விழாவையொட்டி, தஞ்சாவூர் மாவட்டத்தில் பல்வேறு இடங்களில் யோகா உடற்பயிற்சி நிகழ்ச்சிகள் நடைபெற்றன.

- 

தஞ்சாவூர், ஜூன் 21:

தஞ்சாவூர் பெரிய கோயில் அருகேயுள்ள பெத்தண்ணன் கலையரங்கத்தில் இந்திய தொல்லியல் துறை சார்பில் நடைபெற்ற இவ்விழாவில் பொதுமக்கள், மாணவ, மாணவிகள் உட்பட ஏராளமானோர் பங்கேற்று யோகாசனங்களைச் செய்தனர்.

மேலும், நாள்தோறும் யோகா செய்வதால் கிடைக்கும் நன்மைகள் குறித்து விளக்கம் அளிக்கப்பட்டது.

இதேபோல, தமிழ்ப் பல்கலைக்கழகத்தில் நடைபெற்ற இவ்விழாவை துணைவேந்தர் குழு உறுப்பினர் சி. அமுதா தொடங்கி வைத்தார். பதிவாளர் (பொ) கோ. பன்னீர்செல்வம் வாழ்த்துரையாற்றினார். மெய்யியல் துறையின் திட்ட உதவியாளர்கள் இரா. துர்கா, கா. கண்ணகி ஆகியோர் யோகா பயிற்சி அளித்தனர்.

இந்நிகழ்வில் தேர்வுக் கட்டுப்பாட்டு அலுவலர் (பொ) ஆ. துளசேந்திரன், கல்விநிலை ஆய்வு இயக்கக இயக்குநர் (பொ) செ. கற்பகம், மெய்யியல் துறை உதவிப் பேராசிரியர் அ.மீ.பார்த்திபன் உள்ளிட்டோர் கலந்து கொண்டனர்.

முன்னதாக, மக்கள் தொடர்பு அலுவலர் (பொ) இரா.சு. முருகன் வரவேற்றார். மெய்யியல் துறை உதவிப் பேராசிரியர் பொ. சுரேஷ் நன்றி கூறினார்.