கைலாஷ்-மானசரோவர் யாத்திரை: முதல் கட்டமாக 33 பக்தர்கள் பயணம்

சிக்கிம் மாநிலம் நாதுல்லா கணவாய் வழியாக கைலாஷ்-மானசரோவர் யாத்திரையை முதல் கட்டமாக 33 பக்தர்கள் மற்றும் 2 அதிகாரிகள் வெள்ளிக்கிழமை தொடங்கியதாக அதிகாரிகள் தெரிவித்தனர்.

- 

காங்டாக், ஜூன் 20:

கிழக்கு லடாக்கில் இந்திய, சீன ராணுவத்தினர் இடையே ஏற்பட்ட மோதலைத் தொடர்ந்து 2020 முதல் கைலாஷ்-மானசரோவர் யாத்திரை நிறுத்தி வைக்கப்பட்டது.

கடந்த ஆண்டு ரஷ்யாவில் நடைபெற்ற பிரிக்ஸ் உச்சி மாநாட்டின் போது பிரதமர் நரேந்திர மோடியும் சீன அதிபர் ஷி ஜின்பிங்கும் இடையே நடத்திய பேச்சுவார்த்தையைத் தொடர்ந்து, எல்லையில் பதற்றத்தை தணிப்பது தொடர்பாக உடன்படிக்கை மேற்கொள்ளப்பட்டது. இதையடுத்து, தற்போது கைலாஷ்-மானசரோவர் யாத்திரை ஐந்து ஆண்டுகளுக்குப் பின் தொடங்கப்பட்டுள்ளது.