திண்டுக்கல்லில் மார்க்சிஸ்ட் - பாஜகவினர் மோதல்

திண்டுக்கல் அரசு மருத்துவமனையில் வெள்ளிக்கிழமை மார்க்சிஸ்ட் கம்யூனிஸ்ட் கட்சியினர், பாஜகவினர் இடையே மோதல் ஏற்பட்டது.

- 

திண்டுக்கல், ஜூன் 20: இது தொடர்பாக, இரு தரப்பினரும் தனித்தனியாக சாலை மறியலில் ஈடுபட்டதால் பரபரப்பு ஏற்பட்டது.

திண்டுக்கல்லை அடுத்த தாடிகொம்பு பகுதியில் மார்க்சிஸ்ட் கம்யூனிஸ்ட் கட்சி சார்பில் தெருமுனை பிரசாரக் கூட்டம் வெள்ளிக்கிழமை நடைபெற்றது. இந்தக் கூட்டத்தின் போது, மதுரை முருக பக்தர்கள் மாநாடு குறித்தும், இந்து அமைப்புகளை அவதூறாகவும் பேசியதாக குற்றச்சாட்டு எழுந்தது.

இதை இந்து முன்னணி நிர்வாகி வினோத்ராஜ் தட்டிக்கேட்டாராம். இதையடுத்து, கம்யூனிஸ்ட் கட்சியினருக்கும், இந்து முன்னணியினருக்கும் இடையே மோதல் ஏற்பட்டது. இதில் இந்து முன்னணி நிர்வாகிகள் வினோத்ராஜ் (30), சக்திவேல் (30), மார்க்சிஸ்ட் கம்யூனிஸ்ட் கட்சி நிர்வாகிகள் சரத்குமார் (35), சண்முகவேல் (45) ஆகியோர் காயமடைந்தனர்.