நேட்டோவில் இணைய வேண்டாம்!

நேட்டோவில் இணையும் முயற்சியை முழுமையாக கைவிட வேண்டும், ரஷ்யாவால் ஆக்கிரமிக்கப்பட்டுள்ள உக்ரைன் தீபகற்பமான கிரீமியாவை ரஷ்யாவுக்கு விட்டுத் தர வேண்டும் என்று உக்ரைன் அதிபர் வோலோதிமீர் ஸெலென்ஸ்கியிடம் அமெரிக்க அதிபர் டொனால்ட் டிரம்ப் வலியுறுத்தியுள்ளார்.

- 

வாஷிங்டன், ஆக. 18:

உக்ரைன் போரை முடிவுக்குக் கொண்டுவருவது குறித்து ரஷ்ய அதிபர் விளாதிமீர் புதினுடன் டிரம்ப் அலாஸ்கா மாகாணம், ஆங்காரேஜில் வெள்ளிக்கிழமை சந்தித்துப் பேச்சுவார்த்தை நடத்தினார். அதன் தொடர்ச்சியாக வோலோதிமீர் ஸெலென்ஸ்கியையும் அவர் வாஷிங்டனில் சந்தித்துப் பேசவிருக்கிறார். ஸெலென்ஸ்கியுடன் பிரான்ஸ், ஜெர்மனி, பிரிட்டன், இத்தாலி உள்ளிட்ட ஐரோப்பிய நாடுகளின் தலைவர்களும் வந்து உக்ரைனில் அமைதியை ஏற்படுத்துவது குறித்து ஆலோசனை நடத்தவிருக்கின்றனர்.