இலங்கைக் கடற்படையினரால் ராமேசுவரம் மீனவர்கள் 7 பேர் கைது

கச்சத்தீவு அருகே விசைப்படகில் மீன்பிடித்துக் கொண்டிருந்த ராமேசுவரம் மீனவர்கள் 7 பேரை இலங்கைக் கடற்படையினர் சனிக்கிழமை கைது செய்தனர்.

- 

ராமேசுவரம், ஆக. 9:

ராமநாதபுரம் மாவட்டம், ராமேசுவரம் மீன்பிடி இறங்குதளத்திலிருந்து 356 விசைப்படகுகளில் 2 ஆயிரத்துக்கும் மேற்பட்ட மீனவர்கள் சனிக்கிழமை கடலுக்குள் மீன்பிடிக்கச் சென்றனர். இவர்கள் கச்சத்தீவு அருகே மீன்பிடித்துக் கொண்டிருந்தனர். அப்போது, அங்கு 5 ரோந்துப்படகுகளில் வந்த இலங்கைக் கடற்படையினர் மீனவர்கள் மீது தாக்குதல் நடத்தி, அவர்களை மீன்பிடிக்கவிடாமல் விரட்டியடித்தனர்.