புதுவையில் குஜராத்துக்கு இணையாக மின் பயன்பாடு அதிகரிப்பு: முதல்வர் ரங்கசாமி

புதுவையில் மின்சார பயன்பாடு பெரிய மாநிலமான குஜராத்துக்கு இணையாக அதிகமாக இருக்கிறது. விரைவில் புதுவையை மின்தடை இல்லா மாநிலமாக மாற்ற எல்லா முயற்சியும் எடுக்கப்படும் என்று முதல்வர் என்.ரங்கசாமி உறுதியளித்தார்.

- 

புதுச்சேரி, ஆக. 2:

புதுவை மின்துறை சார்பில் புதிதாகத் தேர்வு செய்யப்பட்ட 73 இளநிலைப் பொறியாளர்களுக்குப் பணி ஆணை சனிக்கிழமை வழங்கப்பட்டது. இதனை வழங்கி முதல்வர் என்.ரங்கசாமி சனிக்கிழமை பேசியது:

புதுவையில் அடிக்கடி மின் தடை ஏற்படுகிறது என்ற குறை நிலவுகிறது. இதற்குக் காரணம் காலியாக இருந்த பணியிடங்களை கடந்த ஆட்சியில் இருந்தவர்கள் நிரப்பவில்லை. இதனால் இளைஞர்கள் அரசு வேலைக்குத் தகுதியான வயதைக் கடந்து செல்கின்றனர். இவர்களுக்கு வயது தளர்வு கொடுக்க நினைத்தால் மத்திய உள்துறை அமைச்சகத்தின் அனுமதி தேவைப்படுகிறது.