அனைத்து அரசுப் பள்ளிகளிலும் அடிப்படை வசதிகள்

கடலூர் ஆட்சியர்

- 

நெய்வேலி, ஜூலை 24: அனைத்து அரசுப் பள்ளிகளிலும் பயிலும் மாணவர்களுக்கு அடிப்படை வசதிகளை செய்து தர வேண்டும் என்ற நோக்கத்தில், வகுப்பறைகள், கழிப்பறைகள் உள்ளிட்ட வசதிகள் ஏற்படுத்தப்பட்டு வருவதாக கடலூர் மாவட்ட ஆட்சியர் சிபி ஆதித்யா செந்தில்குமார் தெரிவித்தார்.

நெல்லிக்குப்பம், பண்ருட்டி நகராட்சிப் பகுதிகளில் மேற்கொள்ளப்பட்டு வரும் திட்டப் பணிகளின் முன்னேற்றம் குறித்து ஆட்சியர் சிபி ஆதித்யா செந்தில்குமார் வியாழக்கிழமை பார்வையிட்டு ஆய்வு செய்தார். அப்போது, அவர் கூறியது:

நெல்லிக்குப்பம் நகர ஆரம்ப சுகாதார நிலைய கட்டடம் ரூ.1.20 கோடி மதிப்பில் கட்டப்பட்டு வருவதையும், பண்ருட்டி வட்டார தலைமை மருத்துவமனையில் ரூ.5 கோடி மதிப்பில் கூடுதல் மருத்துவ மனை கட்டடம் கட்டப்பட்டு வருவதையும் பார்வையிட்டு ஆய்வு செய்யப்பட்டது.