புகாரளித்த பெண்கள் மீது பண மோசடி வழக்கு

சிவகங்கை மாவட்டம், திருப்புவனம் அருகேயுள்ள மடப்புரம் கோயில் காவலாளி தனிப்படை போலீஸாரால் அடித்துக் கொலை செய்யப்பட்ட வழக்கில், புகார் தாரர்களான நிகிதா, அவரது தாய் சிவகாமி அம்மாள் ஆகியோர் மீது அரசுப் பணி வாங்கித் தருவதாக பண மோசடி செய்த வழக்கு திருமங்கலம் காவல் நிலையத்தில் கடந்த 2011-இல் பதிவு செய்யப்பட்டது.

- 

திருப்பரங்குன்றம், ஜூலை 2:

மதுரை மாவட்டம், திருமங்கலத்தை அடுத்த திரளி பகுதியைச் சேர்ந்தவர் ராஜாங்கம். இவரிடம் திருமங்கலத்தை அடுத்த ஆலம்பட்டி பகுதியைச் சேர்ந்த ஜெயபெருமாள், அவரது மனைவி சிவகாமி அம்மாள், மகன் கவியரசு என்ற வைபவ் சரண் கவி, மகள் நிகிதா உள்ளிட்டோர் கடந்த 2010, டிசம்பர் மாதம் தங்களுக்கு அப்போதைய துணை முதல்வர் மு.க. ஸ்டாலினின் உதவியாளர் தங்களுக்குத் தெரிந்தவர் என்றும், அவர் மூலமாக தங்களது உறவினர்களுக்கு அரசுப் பணி வாங்கித் தந்ததாகவும் கூறி நம்ப வைத்தனர்.