காலணி தொழிற்சாலைக்காக விவசாய நிலங்களை அழிக்கக் கூடாது

கடலூர் அருகே விவசாய நிலங்களை அழித்து காலணி தொழிற்சாலை அமைக்கும் முடிவை தமிழக அரசு கைவிட வேண்டும் என்று மார்க்சிஸ்ட் கட்சியின் கீழ்வேளூர் தொகுதி எம்.எல்.ஏ. வி.பி. நாகை மாலி வலியுறுத்தினார்.

- 

நெய்வேலி, ஜூலை 2:

கடலூர் அருகே மலையடி குப்பம், கொடுக்கன்பாளையம், வெ.பெத்தாங்குப்பம், கீரப்பாளையம் உள்ளிட்ட 20-க்கும் மேற்பட்ட கிராமங்கள் உள்ளன. இந்த கிராம மக்கள் கடந்த ஐந்து தலைமுறைகளாக சுமார் 200 ஏக்கர் பரப்பளவில் பட்டா இல்லாத நிலத்தில் முந்திரி உள்ளிட்ட பயிர்களை சாகுபடி செய்து வருகின்றனர்.

கிராம மக்கள் பட்டா வழங்கக் கோரி, மாவட்ட ஆட்சியர் உள்ளிட்டோரிடம் மனு அளித்தனர்.

ஆனால், மனுவின் மீது எந்த வித நடவடிக்கையும் எடுக்கப்படாத நிலையில், மாவட்ட நிர்வாகத்தினர் மலையடிகுப்பம் கிராமம் அருகே 200 ஏக்கர் பரப்பளவில் இருந்த ஆயிரக்கணக்கான முந்திரி மரங்கள் மற்றும் விவசாய நிலங்களை முற்றிலுமாக அழித்தனர். இந்த இடத்தில் காலணி தொழிற்சாலை அமைய உள்ளதாகக் கூறப்படுகிறது.

காலணி தொழிற்சாலைக்காக முந்திரி சாகுபடி செய்து வந்த விவசாய நிலத்தை முற்றிலுமாக அழித்ததற்கு தமிழ்நாடு விவசாய சங்கம் சார்பில் கண்டனம் தெரிவித்து பல்வேறு கட்ட போராட்டங்கள் நடத்தினர்.