புரி ஜெகநாதர் ரத யாத்திரை மீண்டும் தொடங்கி நிறைவு

ஒடிஸாவில் பிரசித்தி பெற்ற புரி ஜெகநாதர் கோயில் ரத யாத்திரை சனிக்கிழமை காலை 10 மணிக்கு மீண்டும் தொடங்கி, ஸ்ரீகுந்திச்சா கோயிலை நண்பகலில் சென்றடைந்தது.

- 

புவனேசுவரம், ஜூன் 28:

முன்னதாக வெள்ளிக்கிழமை இரவு, ரத யாத்திரையில் முதலாவதாகச் சென்ற பலபத்திரர் ரதம், கிராண்ட் சாலையில் உள்ள ஒரு திருப்பத்தில் தொடர்ந்து முன்னேற முடியாமல் சிக்கிக்கொண்டது. இதையடுத்து, ரத யாத்திரை தற்காலிகமாக நிறுத்தப்பட்டது. பலத்த பாதுகாப்புக்கு மத்தியில் இரவு முழுவதும் தெய்வ சிற்பங்களுடன் ரதங்கள் சாலையிலேயே நின்றிருந்தன.

மீண்டும் தொடக்கம்: உரிய பாதுகாப்பு முன்னேற்பாடுகளுடன் ரத யாத்திரை சனிக்கிழமை காலை வழக்கம் போல மீண்டும் தொடங்கியது. மாநில சட்ட அமைச்சர் பிருத்விராஜ் ஹரிசந்தன், தலைமைச் செயலர் மனோஜ் அஹுஜா, காவல் துறை டிஜிபி ஓய்.பி.குரானியா மற்றும் பிற மூத்த அதிகாரிகள் ஜெகநாதர் ரதத்தை வடம்பிடித்து இழுத்தனர்.