அரசமைப்புச் சட்டமே உயர்வானது

உச்சநீதிமன்றத் தலைமை நீதிபதி பி.ஆர்.கவாய்

- 

அமராவதி (மகாராஷ்டிரம்), ஜூன் 26: 'அரசமைப்புச் சட்டமே உயர்வானது. அரசு நிர்வாகம், நாடாளுமன்றம் மற்றும் நீதித்துறை உள்ளிட்ட ஜனநாயகத்தின் மூன்று தூண்களும் அரசமைப்புச் சட்டத்துக்குக் கீழ் செயல்படுபவை மட்டுமே' என்று உச்சநீதிமன்றத் தலைமை நீதிபதி பி.ஆர். கவாய் தெரிவித்தார்.

மேலும், அரசமைப்பின் அடிப்படை கட்டமைப்பு கோட்பாட்டின் அடித்தளம் குறித்து உச்சநீதிமன்றம் அளித்த தீர்ப்பை சுட்டிக் காட்டிய அவர், 'அரசமைப்புச் சட்டத்தில் திருத்தங்கள் மேற்கொள்வதற்கு மட்டுமே நாடாளுமன்றத்துக்கு அதிகாரம் உள்ளது; மாறாக, அதன் அடிப்படை கட்டமைப்பை நாடாளுமன்றத்தால் மாற்ற முடியாது' என்றும் குறிப்பிட்டார்.