மருத்துவர்கள் போராட்டம் எதிரொலி மன்னிப்புக் கோரினார் கோவா அமைச்சர்

கோவா மருத்துவக் கல்லூரி மருத்துவமனை மருத்துவர்களின் போராட்டத்தையடுத்து, தலைமை மருத்துவரை பலர் முன்னிலையில் கடுமையாகத் திட்டியதற்காக கோவா சுகாதார அமைச்சர் விஸ்வஜித் ராணே மன்னிப்புக் கோரினார்.

- 

பனாஜி, ஜூன் 9:

அமைச்சர் விஸ்வஜித் ராணே கடந்த சனிக்கிழமை கோவா மருத்துவக் கல்லூரி மருத்துவமனைக்கு ஆய்வுக்குச் சென்றார். அப்போது வயதான பெண்மணி ஒருவர் தனக்கு சரியாக சிகிச்சையளிக்கவில்லை என்று அமைச்சரிடம் புகார் தெரிவித்தார்.

இதையடுத்து, மருத்துவமனை தலைமை மருத்துவர் ருத்ரேஷ் குட்டிகரை அழைத்த அமைச்சர் விஸ்வஜித் அனைவரது முன்னிலையில் அவரை கடுமையான வார்த்தைகளால் திட்டியதுடன், பணியிடைநீக்கம் செய்வதாக அறிவித்தார்.