தக் லைஃப் படத்தை வெளியிட பாதுகாப்பு: கர்நாடக உயர்நீதிமன்றத்தில் கமல்ஹாசன் மனு

கர்நாடகத்தில் 'தக் லைஃப்' படத்தை சுமுகமாக வெளியிட உரிய பாதுகாப்பு கோரி, மாநில உயர்நீதிமன்றத்தில் நடிகர் கமல்ஹாசன் மனு தாக்கல் செய்துள்ளார்.

- 

பெங்களூரு, ஜூன் 2:

நடிகர் கமல்ஹாசன் நடித்துள்ள 'தக் லைஃப்' திரைப்படம் ஜூன் 5-ஆம் தேதி வெளியாக உள்ளது. இந்தப் படத்தின் இசை வெளியீட்டு நிகழ்ச்சி அண்மையில் சென்னையில் நடைபெற்றது.

இந்த நிகழ்ச்சியில் கமல்ஹாசன் பேசுகையில், 'தமிழில் இருந்தே கன்னடம் பிறந்தது' என்றார். இந்தக் கருத்து மூலம் கன்னட மொழியை கமல் சிறுமைப்படுத்திவிட்டதாக கன்னட அமைப்புகள் எதிர்ப்புத் தெரிவித்தன. இதற்கு கமல்ஹாசன் மன்னிப்பு கேட்க வேண்டும் என்று கர்நாடகத்தில் போராட்டங்கள் நடைபெற்றுவரும் நிலையில், மன்னிப்பு கேட்க கமல் மறுத்து விட்டார்.

அவர் பகிரங்கமாக மன்னிப்பு கேட்கும் வரை, கர்நாடகத்தில் 'தக் லைஃப்' திரைப்படத்தை திரையிட அனுமதிக்கப்படாது என்று கர்நாடக திரைப்பட வர்த்தக சபை அறிவித்தது.