மதுரை சாலைகளில் முதல்வர் மு.க.ஸ்டாலின் பேரணி

தமிழக முதல்வர் மு.க. ஸ்டாலின் மதுரை சாலைகளில் சனிக்கிழமை மாலை வாகனத்தில் இருந்தவாறும், நடைப்பயணமாகவும் சென்று மக்களைச் சந்தித்தார்.

- 

மதுரை, மே 31:

மதுரையில் ஞாயிற்றுக்கிழமை (ஜூன் 1) நடைபெறும் திமுக மாநில பொதுக் குழு கூட்டத்தில் பங்கேற்பதற்காக முதல்வர் மு.க. ஸ்டாலின் சென்னையிலிருந்து விமானம் மூலம் சனிக்கிழமை பிற்பகல் ஒரு மணிக்கு மதுரைக்கு வந்தார். இதையடுத்து, அருகில் உள்ள தனியார் தங்கும் விடுதியில் ஓய்வெடுத்த அவர், மாலை 5 மணிக்கு பெருங்குடியிலிருந்து அவனியாபுரம் சாலை வரை வாகனத்தில் இருந்தவாறு பேரணியாக வந்து மக்களைச் சந்தித்தார்.

சாலைகளின் இருபுறங்களிலும் திரளான மக்கள் நின்று வரவேற்பளித்தனர். வழிநெடுகிலும் மேளதாள வாத்திய முழக்கங்களுடனும், கலை நிகழ்ச்சிகளுடனும் முதல்வருக்கு உற்சாக வரவேற்பு அளிக்கப்பட்டது. வரவேற்பு அளித்த பொதுமக்கள், கட்சியினரை நோக்கி முதல்வர் உற்சாகமாகக் கை அசைத்தும், கைகூப்பியும் நன்றி தெரிவித்தார்.