பயங்கரவாதிகளை ஒப்படைக்க வேண்டும்: பாகிஸ்தானுக்கு ராஜ்நாத் சிங் நிபந்தனை

இந்தியாவுடன் பேச்சுவார்த்தை நடத்துவதில் பாகிஸ்தான் உண்மையான ஆர்வத்துடன் இருக்குமானால் ஐ.நா. வால் பயங்கரவாதிகளாக அறிவிக்கப்பட்ட ஹஃபீஸ் சயீதை யும், மசூத் அசாரையும் இந்தியாவிடம் ஒப்படைக்க வேண்டும் என்று மத்திய பாதுகாப்புத் துறை அமைச்சர் ராஜ்நாத் சிங் வலியுறுத்தினார்.

- 

புதுதில்லி, மே 30:

கோவா கடல் பகுதியில் நிலைநிறுத்தப்பட்டுள்ள ஐஎன்எஸ் விக்ராந்த் விமானம் தாங்கி போர்க்கப்பலுக்கு அவர் வெள்ளிக்கிழமை சென்று கடற்படை வீரர்களுடன் கலந்துரையாடினார். அப்போது ராஜ்நாத் சிங் பேசியதாவது:

இந்தியாவுக்கு எதிராக பாகிஸ்தான் தீங்கிழைத்தால் இந்திய கடற்படையின் பதிலடியை அந்நாடு எதிர்கொள்ள வேண்டியிருக்கும். பயங்கரவாதம் என்ற அபாயகரமான ஆட்டத்துக்கான நேரம் முடிந்துவிட்டது என்பதை பாகிஸ்தான் புரிந்துகொள்ள வேண்டும். இந்த ஆட்டத்தை நாம் சுதந்திரம் பெற்றதுமுதல் பாகிஸ்தான் ஆடி வந்தது. பயங்கரவாதத்தை வேரறுக்க இந்தியா ஒவ்வொரு முறையும் கையாளும்.