31-ஆவது இடத்துக்கு முன்னேறிய திருவண்ணாமலை

பிளஸ் 2 தேர்வு முடிவுகளில் கடந்தாண்டு 38-ஆவது இடத்திலிருந்த திருவண்ணாமலை மாவட்டம் நிகழாண்டு 31-ஆவது இடத்துக்கு முன்னேறி உள்ளது.

- 

திருவண்ணாமலை, மே 8: பிளஸ் 2 தேர்வு முடிவுகளில் கடந்தாண்டு 38-ஆவது இடத்திலிருந்த திருவண்ணாமலை மாவட்டம் நிகழாண்டு 31-ஆவது இடத்துக்கு முன்னேறி உள்ளது.

இதேபோல, அரசுப் பள்ளிகளின் தேர்ச்சி சதவீத அடிப்படையில் கடந்த ஆண்டு 35-ஆவது இடத்தைப் பெற்றிருந்த நிலையில், நிகழாண்டு 22-ஆவது இடத்துக்கு முன்னேறி உள்ளது.

திருவண்ணாமலை மாவட்டத்தில் 261 அரசு, தனியார், மெட்ரிக், சுயநிதி மேல்நிலைப் பள்ளிகளைச் சேர்ந்த 12 ஆயிரத்து 759 மாணவர்கள், 13 ஆயிரத்து 997 மாணவிகள் என மொத்தம் 26 ஆயிரத்து 756 பேர் பிளஸ் 2 தேர்வு எழுதினர்.

இவர்களில் 11 ஆயிரத்து 576 மாணவர்கள், 13 ஆயிரத்து 479 மாணவிகள் என மொத்தம் 25 ஆயிரத்து 55 பேர் தேர்ச்சி பெற்றனர்.