சென்னை - ஹைதராபாத் இன்று மோதல்

ஐபிஎல் போட்டியின் 43-ஆவது ஆட்டத்தில் சென்னை சூப்பர் கிங்ஸ் - சன்ரைசர்ஸ் ஹைதராபாத் அணிகள் சென்னையில் வெள்ளிக்கிழமை (ஏப். 25) மோதுகின்றன.

- 

சென்னை, ஏப். 24:

இரு அணிகளுமே தற்போது சமநிலையில், புள்ளிகள் பட்டியலின் கடைசிப் படியில் இருக்கின்றன. இந்த சீசனில் அவற்றுக்கான பிளே ஆஃப் வாய்ப்பு நூலிழை அளவே உள்ளது. அதைத் தக்கவைத்துக் கொள்ள இந்த இரு அணிகளும், எஞ்சியிருக்கும் தங்களின் அனைத்து ஆட்டங்களிலும் வெல்ல வேண்டும். அத்துடன், இதர அணிகள் மோதும் முடிவுகளும் அவற்றுக்குச் சாதகமாக வேண்டும் என்ற நிலையில் இருக்கின்றன.

சென்னை மற்றும் ஹைதராபாத் அணிகள் இந்த சீசனை வெற்றிகரமாகவே தொடங்கின. ஆனால், அடுத்தடுத்த கட்டங்களில் அவை தங்களின் உத்வேகத்தை இழந்து தற்போது தடுமாற்றத்துடன் காணப்படுகின்றன.