IPL 5-ஆவது வெற்றியுடன் மும்பை முன்னேற்றம்

இந்தியன் பிரீமியர் லீக் கிரிக்கெட்டின் 41-ஆவது ஆட்டத்தில் மும்பை இந்தியன்ஸ் 7 விக்கெட்டுகள் வித்தியாசத்தில் சன்ரைசர்ஸ் ஹைதராபாத் அதன் சொந்த மண்ணில் புதன்கிழமை வீழ்த்தியது.

- 

ஹைதராபாத், ஏப். 23:

முதலில் ஹைதராபாத் 20 ஓவர்களில் 8 விக்கெட்டுகள் இழந்து 143 ரன்கள் சேர்க்க, மும்பை 15.4 ஓவர்களில் 3 விக்கெட்டுகள் இழப்புக்கு 146 ரன்கள் எடுத்து வென்றது. இத்துடன் தொடர்ந்து 4-ஆவது வெற்றியைப் பதிவு செய்த மும்பை, 3-ஆவது இடத்துக்கு முன்னேறியது.

முன்னதாக டாஸ் வென்ற மும்பை, பந்துவீச்சை தேர்வு செய்தது. ஹைதராபாத் இன்னிங்ஸில் டிராவிஸ் ஹெட் டக் அவுட்டாக, இஷான் கிஷண் 1 ரன்னுக்கு சாய்க்கப்பட்டார். அபிஷேக் சர்மா 1 சிக்ஸருடன் 8 ரன்களுக்கு பெவிலியன் திரும்பினார். நிதீஷ்குமார் ரெட்டியும் 2 ரன்களுக்கு வீழ்த்தப்பட, 13 ரன்களுக்கே 4 விக்கெட்டுகளை இழந்து தடுமாறியது ஹைதராபாத்.